Drivetech yn ennill pâr o wobrau, gan gynnwys gwobr lles.

 

Mae’r arbenigwr hyfforddiant a diogelwch gyrwyr Drivetech, sy’n rhan o’r AA, wedi ennill dwy wobr genedlaethol o fri yng Ngwobrau UKROEd 2023.

Enillodd Tim Innes, rheolwr rhanbarthol Drivetech, ‘Wobr Arloesi’ i’r busnes, yn cydnabod ei waith yn creu cynllun cefnogi hyrwyddwyr lles i helpu hyfforddwyr i addasu i amgylcheddau gwaith newydd, gan gynnwys gweithio ar-lein. Innes yw cyn-uwch arweinydd yr heddlu a chynrychiolydd cangen uwch-arolygwyr De Swydd Efrog, a defnyddiodd ei brofiadau o weld effaith iechyd meddwl gwael yn y gweithle i ddylunio’r cynllun.

Wedi’i ddatblygu gyntaf yn ystod y pandemig, mae’r fenter wedi datblygu yn adnodd amhrisiadwy ar draws y busnes wrth gefnogi contractwyr Drivetech a’r aelodau o staff cyflogedig. Mewn arolwg hyfforddwyr yn 2023, dywedodd dros 90% o’r ymatebwyr eu bod yn fodlon â’r gefnogaeth a roddodd y rheolwyr rhanbarthol a Drivetech iddynt.

Yn y cyfamser, dyfarnwyd y ‘Gwobr Tîm Rhagorol’ i dîm hyfforddwyr Gogledd Iwerddon Drivetech, sydd â 27 aelod. Derbyniodd Andy Robson, Rheolwr Rhanbarthol Gogledd Iwerddon, y wobr sy’n cydnabod gwaith rhagorol y tîm wrth ddarparu cyrsiau, ac integreiddio gweithredol ag amrywiaeth eang o fentrau diogelwch ffyrdd rhanbarthol, yn aml yn amser yr hyfforddwyr eu hunain.

Wrth sôn am y fuddugoliaeth ddwbl, dywedodd Nick Butler, Cyfarwyddwr, Drivetech: “Llongyfarchiadau i’n henillwyr o Drivetech – rydym yn falch iawn ohonynt. Mae ein cyflawniadau’n cadarnhau ein hymroddiad i wella diogelwch ar y ffyrdd, yn ogystal â chefnogi ein hyfforddwyr, yn y cyfnod hwn sy’n datblygu’n barhaus.”

Cynhaliwyd Gwobrau UKROEd ym Manceinion ar 11^eg Hydref, ac roeddynt yn cydnabod cyfraniadau sylweddol at ddiogelwch ac arloesedd ar y ffyrdd yn y maes.

 

Yn ôl i newyddion ac adnoddau